MARKETING PLANGINTZAREN XEDEAK eta MASA KRITIKOA

Marketin plana diseinatzen hasi garela, badaude kontu interesgarriak helburuei buruz esateko, lagungarriak izateaz gain, lanaren gida modura funtzionatu dezaketenak. Badakigunez, helbururik gabe jokatzeak noraezean ibiltzea suposatzen du, beraz, edozein plangintzan ezinbestekoak dira hauek.

Marketin plana kontratatuko digun enpresa (gure kasuan agentzia) ikertu eta "AMIAztatu" ondoren, estrategiak finkatzeko helburuak zeintzuk diren jakin behar da lehendik, baina nolakoak izan daitezke xede horiek?

Helburuak nola erabaki

Gure helburuak zeintzuk izan behar duten finkatu aurretik, beharrezkoa da bi galdera egitea:

1. Gure produktu edo zerbitzua(k) masa kritiko egoeran al dago/daude?
2. Gure 1sektorean, ba al dago korrelaziorik merkatuko parte-hartzean eta epe-luzeko errentabilitatean?

Zer da masa-kritikoa?:

Masa kritikoaren kontzeptua Fisikatik ekarri da marketin arlora. Zera adierazten du: produktu, zerbitzu, marka, enpresa edo ekintza batek merkatuan eduki behar duen dimentsioa, beharrezko duen egoera lortzeko. Marketin helburuen kasuan, produktu edo zerbitzuak merkatuan behar duen parte-hartzeari men egiten dio, hau bera egonkorra eta segurua izan dadin. Produktu/zerbitzu bat masa-kritikoan egongo da bere merkatuko fakturazioaren % 10a superatzen badu.

Beraz, helburuak finkatzeko prozedura hauxe izango litzateke:

• Galdera: gure produktu edo zerbitzua masa kritiko egoeran al dago?
• Ez -> Ez da merkatuan egonkorra. Merkatuko fakturazio-tasa garaitu behar du, masa-kritikoa bilatuz.
• Bai -> Bigarren galderara pasa.
• Galdera: Gure sektorean, ba al dago korrelaziorik merkatuko parte-hartzean eta epe-luzeko errentabilitatean? (normalean, zenbat eta merkatuko parte-hartze gehiago izan, orduan eta altuagoa da epe luzerako errentabilitatea).
• Bai -> Marketin helburuak merkatuko parte-hartzean zentratu, eta sektoreko lidergoa bilatu. Epe laburreko xedeak baztertu beharko dira.
• Ez -> Errentabilitatea epe laburretara bilatu.

Beraz...

Edozein Marketin-erabaki hartu aurretik, beharrezkoa da ikertzea eta helburuak nolakoak izango diren finkatzea. Edozein helburuk suposatzen du ekintza jakinak bideratzea eta beste batzuk baztertu edo sakrifikatzea, eta beraz, helburuak modu okerrean finkatzeak marketin plangintza kaxkarra dakar. Beraz, galdera ez da soilik "zer lortu nahi dugu?" baizik eta "zer lortu ahal dugu?".

                                           

∆: Fisikatik ekarritako sinboloa, inkrementuaren adierazle.

1 ETE-tan, merkatuetako sektoreak baino segmentuetan oinarritu behar dira marketin planak (merkatuaren zati txikiagoak, nolabait aiderazteko), nahiz eta dinamika berdintsua izan.