Orain praktikaren bigarren fasera iritsi garela, zihurrenik talde guztiak pixka bat galduta egongo gara, ez baikara profesionalak (oraingoz), eta ez dakigu oso ondo nola hasi marketin-plan bat eta negozio-plan bat zuzentzen. Horregatik, gure taldean ikertzen aritu gara, eta denentzat baliagarriak izan daitezkeen marketin plan batean ohikoak diren 8 akats detektatu ditugu:
Merkatu azterketa zehatzik ez egitea. Askotan, merkatuan oro har zer gertatzen den jakiteko grinak norabidea galarazten digu. Azterketa egin aurretik, erabaki eta zehaztu egin behar da zer den benetan garrantzitsua enpresarentzat, zein eremuk izango duten eragin handiagoa eta zeiekn txikiagoa gure enpresaren garapenean.
Marketin planak epe laburrekoa izan behar du. Gaur egungo merkatuek ez dute epe luzera pentsatzeko aukerarik ematen. Marketin plan bat garatzerako orduan, epe luzeak, gehienez, urtebetekoa izan behar du. Izan ere, merkatua etengabe aldatzen eta garatzen ari da, orain arrakasta izan dezakeena hilabete batzuk barru huskeria izan daiteke.
Enpresara egokitzen diren eta benetan produktu edo zerbitzurako baliagarriak diren sare sozialetan kontuak irekitzea. Gaur egun, oso ohikoa da modan dauden komunikazio kanalak erabiltzea eta alde batera uztea, ez direlako baliagarriak enpresarako edo zerbitzurako. Hori dela eta, oso argi eduki behar da zein publikori zuzendu nahi zaion, eta xede-publikoa non aurki daitekeen jakin. Kasu honetan, “gehiago hobe” filosofia akats bat da.
Publiko objektiboa nortzuk osatzen duten argi ez izatea. Hori merkatu osora jo nahi duten eta segmentaziorik egiten ez duten enpresa askotan gertatzen da. Horren ondorioz, enpresek zuzentzen dituzten pertsonak ez dira benetan ezagutzen, eta, beraz, horiek ez ezagutzeak haien beharrak eta eskaerak zein diren ez jakitea eragiten du. Hori dela eta, ezin zaie zehazki nahi dutena eskaini eta lehiara joaten dira. Publiko objektiboa ezagutzeko, komeni da norberaren esperientziak errealitatearekin alderatzea; horrek segmentazio hobetuagoa izaten lagunduko du.
Urratsak saltatu. Askotan marketin plan bat hain azkar egin nahi izaten da, funtsezko urratsak albo batera uzten direla eta prozesuan eragiten dute. Marketin plan bat sortzeko, gomendagarria da negozio-helburu batzuk finkatzea. Helburu horietatik abiatuta, enpresa bakoitzaren beharretara egokituko den barne eta kanpo azterketa bat egitea komeni da, xede-publikoaren definizio bat sartzea, beraz, horrek buyer pertsona bat sortzea eskatzen du. Helburu batzuk finkatu behar dira, eta horiek ekintza-plan bat eta aurrekontu-plan bat izan behar dute, behar bezala gauzatu ahal izateko.
Helburu bideraezinak planifikatzea. Helburuek enpresa batek norantz jo nahi duen eta enpresa horrek nora iritsi nahi duen jakiteko balio dute. Ezarritako helburuek neurgarriak (beharrezko aldaketak egiteko, aurrerapena neurtzeko eta ebaluatzeko irizpide zehatzak ezartzeko aukera ematen du) eta lorgarriak (lor daitekeen helburu bat errealista da, helburu horiek ezartzean kontuan hartu ez diren aukerak edo baliabideak identifika daitezke, eta ondorioz, aukerak eta mugak kontuan hartzen dira) izan behar dute. Helburuak behar bezala finkatzea funtsezkoa da proiektu baten arrakasta lortzeko.
Erabaki guztiak justifikazioa behar dute. Erabaki guztiek izan behar dute zergati bat, modu logikoan eta erabilgarriak izateko moduan hartu behar dira. Erabaki bat justifikatuta ez badago, asmatua dela pentsa daiteke.
Lehiakideak ez ezagutzea. Lehiakide zuzenak kontuan hartzea, baina zeharkako lehiakideak kontuan ez hartzea, hauek une batetik bestera lehiakide zuzen bihur daitezkeenak baitira. Lehiakideen mugimenduen berri izan behar da, horrela enpresa bakoitzak gaur egun dagoen merkatuan desberdintzea bilatu ahal izango du.
No hay comentarios:
Publicar un comentario