Atazen definizioa eta kronograma

Proiektuek jarduerak eta atazak dituzte. Jarduera proiektu baten berariazko helburuak lortzeko beharrezkoa den errealitatean esku hartzeko ekintza da. Eta lana edo ataza zehaztasun- eta berezitasun-mailarik txikiena duen ekintza da. Ataza-multzo batek jarduera bat konfiguratzen du.

Zure proiektuaren arrakasta, hein handi batean, lanak garaiz osatzearen araberakoa denez, atazak lehenetsi eta denbora-lerro batean antolatu ohi dira. Garrantzitsua da jarraipena egitea eta lanak elkarren arteko mendekotasunaren eta lehentasunaren arabera osatzea, proiektua programatutakoaren arabera aurrera doala ziurtatzeko. Atazen plangintza hau kronograma baten bidez egiten da. Kronograma bat egiteak aukera emango dio zure proiektua ebaluatu duenari honako hauek ezartzeko: lanaren banaketa uniformea dagoen, epeak errealistak diren, jarduera bakoitzari esleitutako denbora-mugak (gutxienekoa eta maximoa) elkarren artean proportzionatuak diren edo desoreka larriak dauden etabar.