Google Activate ekintzailetza formakuntza

Pasa den hilean, 3 egunez Google Activate-k San Mameseko Ingeniarien fakultatean antolatutako formakuntza batera joateko aukera izan genuen eta gure esperientzia zuekin konpartitzea guztiz interesgarria dela uste dugu. Formakuntza ekintzailetzan oinarrituta zegoen, baina ez hainbeste  zentratzen enpresa edo startup baten sorrerarako erabilgarriak izan zitezkeen pauso ekonomiko eta legalak azaltzean, baizik eta ideia original eta gizartearentzat erabilgarriak pentsatzean eta hauek nola aplikatzen ikastean.

 Lanean hasteko, lehenik eta behin gure proiektuaren ideia  identifikatu genuen (Josuren kasuan  jaialdi begano bat sortu zuen eta Jonen kasuan janari ekologikodun makina saltzailea)  gure proiektua burutzeko. Prototipo bat sortu genuen eta formakuntzako gainerako ikasleei gure proiektua saltzeko asmoarekin aurkezpen bat prestatu genuen, genituen medio eta denbora urriari ahalik eta zuku handiena ateratzen, eta gure “bezero potentzialei” proiektua azaltzen.

Datorren urteetan zehar biziko dugun aldaketan (ikasle bizitzatik lan mundura) guztiz erabilgarriak izan daitezkeen hainbat ezagutza teoriko eta tip azaldu zizkiguten. Besteak beste: taldean ekintzen arduraz aritzen, partizipazioak gure abilezien arabera banatzen, eman beharreko pauso legalak  sakonago ezagutzen eta startup bat ahalik eta azkarren hazteko lokalizaio egokienak bilatzen.

Garrantzitsuena, gure ustez, metolodologia konkretu batekin hiru egunez lan egiten erakutsi zigutela  eta irudian ageri diren emozio guztiak bizi izan genituela da. Taldekide guztien ideiei entzuten ikasi genuen, nahiz eta ideia bere osotasunen zuzen izan gabe, baliagarriak izan daitezkeen pauso eta zatiak erabili ahal izateko.  Guztiontzat erabilgarria izan zen dinamika bat dela uste dugu, eta hurrengo antzeko kurtsoetara joan ahal izateko aukera izatea espero dugu.

Jon Aurrekoetxea eta Josu Zabala